Interpellations parmi la jeunesse corse: la majorité territoriale ne veut pas rester spectatrice
(A redazzioni d'Alta Frequenza) - "Ùn saremi micca spittatori muti di pettu à a missa in ballu di ssa dinamica", ssi parolli sò quilli di Gilles Simeoni, chì tinia ssu ghjovi una cunfarenza di stampa à fiancu à una quindecina d'altri eletti di a maghjurità è membri di l'Esecutivu di a CTC. I raprisintanti di a maghjurità tarrituriali vuliani dinunzià a logica riprissiva contr'à a ghjuventù corsa. U sintimu d'appaciamentu vulsutu da l'eletti naziunalisti ùn hè micca rispittatu d'appressu à elli, dicendu dinò ch'elli ùn lacarani micca a Corsica cascà torna in una logica di cunfrontu. Aldilà di u missaghju di sulidarità pà i parsoni arristati è i so famighji, hè una vera risposta pulitica ch'elli volini arricà tutti, cù dinò un missaghju forti mandatu à u guvernu novu missu in ballu in Francia da quì à pocu.
Steti à senta à Gilles Simeoni, u presidenti di l'Esecutivu di Corsica.
