Institutions, langue corse, prisonniers politiques : la position de la Madame Corse du gouvernement
(A redazzioni d'Alta Frequenza) – Jacqueline Gourault, a nova Madama Corsica di u guvernu, hà amintatu ssu vennari da mani u cartulari diffiucli chì l'aspetta pà l'anni chì venini. Invitata nant'à u canali di televisiò LCP, a ministra pà u ministru di l'Internu hà parlatu d'una "missioni di dialogu" ingaghjata cù l'eletti isulani. A missa in ballu di a Cullittività unica sarà u sughjettu maiò soca, mentri chì ci sarani "discussioni trasversali" cù altri ministri, u Prima ministru in particulari, nant'à temi assai pulitichi. Cuncirnendu a cuufficialità, a ministra hà ramintatu "ch'ella c'hè dighjà di fatti una ricunniscenza di a lingua corsa" di pettu à i mezi missi in opara da u ministeru di l'Educazioni naziunali cù parechji millioni d'auri ingaghjati. Malgradu tuttu, pari chì u sughjettu ùn sighi micca arristatu. Pà ciò chì tocca u "pattu girondinu" pà a Corsica è u so cuntinutu, Jacqueline Gourault ùn hà micca vulsutu dinni di più nant'à u sughjettu, dicendu ch'ella aspetta chì Gilles Simeoni è Ghjuvan Guidu Talamoni sighini ricivuti da Edouard Philippe. Infini nant'à i prighjuneri pulitichi, ferma nant'à a pusizioni di a ministra di a Ghjustizia di l'asamini d'ogni casu, ricusendu à tempu u tarmini di "prighjuneri pulitichi".
Steti à senta à Jacqueline Gourault, intarrugata nant'à LCP.
Sur le même sujet
