Installation d'agriculteurs : l'exemple d'une agricultrice ayant repris l'exploitation familiale
(A redazzioni d'Alta Frequenza) - Dumani (marti) in u centru culturali Carlu Rocchi di Biguglia, ci sarà l’ondicesima ghjurnata regiunali di a stallazioni in agricultura, urganizata da a camara d’agricultura. L’uccasioni d’aduniscia sfarenti attori cù ghjovani chì volini duvintà agricultori, pà scopra cù di più pricisioni comu duvintà agricultori à u so contu. Un’iniziativa cù un discorsu assai pusitivu, à u cuntrariu di i prublemi chì voltani spessu è chì poni essa missi in avanti da parechji agricultori. Un pusitivisimu chì l’attori di l’iniziativa volini metta in risaltu, cù l’asempiu d’Aurore Sardo. Ssa ghjuvanotta, quattru anni dopu avè ripresu a spluttazioni di a so famighja in Muratu in u duminiu quantunqua difficiuli di a castaneicultura dopu a ghjunta di u cynips, hà sceltu a qualità è a diversificazioni com’è pista pà dà un soffiu novu à a so spluttazioni.
Steti à senta à Aurore Sardo.
