Injures et menaces envers André Paccou : décision mise en délibéré au 16 mai
(A redazzioni d'Alta Frequenza) - Ssu marti, u Tribunali Currizziunali di Bastia ghjudicava quattru parsoni pà inghjulii contr’à u portavoci di a Liga di i Diritti di l’Omu, André Paccou, nant’à i reti suciali. U prucuratori di a Republica, Nicolas Bessone, hà dumandatu 1 200 auri d’amenda contr’à ogni privenutu, è dui mesi di prighjoni attimpati contr’à unu, mentri chì i parti civili ani dumandatu un auru simbolicu. L’avucati di a difesa, pà quilli chì n’aviani, ani dumandatu à veda i so clienti assolti. Inde u cartulari di minaccci di morti, sò stati dumandati contr’à a parsona chì passava davanti a ghjustizia quattru mesi di prighjoni attimpati è 500 auri d’amenda. I dicisioni sarani cumunicati u 16 di maghju à 2 ori.
Un prucessu chì era impurtanti, cuncirnendu frà altru a parti nant’à i minacci di morti, com’ellu a ci spiega maestru Jean François Casalta, raprisintanti di l’Ordini di l’avucati d’Aiacciu, chì hè unu di i trè avucati raprisintendu à André Paccou è a LDH.
Sur le même sujet
