Incidents en Corse après la victoire de l'équipe de France de football
(A ridazzioni d'Alta Frequenza) - A francia dunqua, hà vintu, 4 à 2, a so siconda cuppa llu mondu, contru à a Cruazia. Erani pieni i tarrazzi lli caffè, è in Bastia quant’è in Aiacciu, i sustinidori francesi ani fistighjatu a vittoria lla so squadra. Ma a sprissioni di issa gioia hà fattu nascia qualchì cuntrastu, cù uni pochi di sustinidori lla Cruazia. Piazza San’Niculau, circa trenta parsoni, chì faciani svintulà a bandera cruata, si sò imparullati cù i sustinidori lla squadra di francia. Ci hè statu qualchì bandera francesa chì l’hè stata livata da i mani, è una hè ancu stata meza brusgiata. I cuntrasti sò finiti in baruffa, vicinu à u caffè Napoleon. Pierre Savelli hà cundannatu via twitter « issi pochi evenimenti scantati, ma ch’ùn si poni accittà ». Hà dittu dinò chì « iss’atti vargugnosi sò cuntrarii à i valori llu sport ». In Aiacciu, ci sò stati evenimenti simuli Piazza Diamanti o versu u San’Carlu... Qualchì parsoni sariani stati à pena ferti.
Sur le même sujet
