Incidents avant le meeting de Marine Le Pen à Ajaccio : rassemblement de militants antifascistes
(A redazzioni d'Alta Frequenza) - Incidenti sò accaduti nanzi u meeting di Marine Le Pen in Aiacciu (veda altrò). Prima ch'elli accadessini, militanti di u Cullittivu contr'à u fascisimu, d'Avà Basta, di l'Amichi di Danielle Casanova Storia è Mimoria, di a Dilegazioni corsa di a Fundazioni pà a mimoria di a depurtazioni, di Vulè Imaginà Agiscia, di a CGT, di u Partitu Cumunistu, di u Cumitatu di sustegnu à Benoît Hamon, d'EELV è di u Partitu federalistu aurupeu si sò accolti à u nivellu di u quai l'Herminier. Una prima adunita, un'ora prima, hè stata urganizata davanti a Cullittività tarrituriali di Corsica, cù una distribuzioni di ducumenti rivindicativi longu à u parcorsu fin'è u Palazzu di i Cungressi. Ssi militanti vuliani manifistà "di manera publica a so uppusizioni putenti contr'à i temi razzisti è senofobi, è di a sprissioni di un'ideulugia fascisata appena piattata, veiculati da u Front National." (ritrattu : Corse Matin)
Sur le même sujet
