Incendies en Corse : mobilisation de tous les instants des soldats du feu
(A redazzioni d'Alta Frequenza) - S'è no semi dighjà intruti ind'a siconda mità di u mesi d'aostu, a famosa prima rinfriscata dopu Santa Maria ùn hè ancu stata risintuta, cù timperaturi sempri assai caldi. U statu di a vegetazioni ferma dinò un prublema è a sicchia hè di più in più forti in parechji lochi di Corsica. I spinghjifochi di i dui dipartimenti fermani di sicuru mubilizati più cà mai, è micca solu pà i soli mesi di lugliu è d'aostu, pà pudè riagiscia u più prestu pussibuli à pussibuli fochì chì nasciariani. I suldati di u focu si poni arrimbà, aldilà di i so culleghi di u cuntinenti chì i poni aiutà, à mezi aerei parfurmenti, com'è i famosi Canadair chì voltani di manera prugressiva in serviziu da i dui spondi di u Mediterraniu dopu à l'incidenti accadutu nant'à un avviò calchì ghjornu fà in Aiacciu.
A vigilenza è a capacità d'alerta di i citadini sò impurtantissimi in ssu gennaru di situazioni, com'ellu a ci dici u tinenti culunellu Fabien Didier, direttori aghjuntu di u SDIS di Corsica Suttana.
