Incendie de Sant'Andria di Cotone : la situation dégénère
(A redazzioni d'Alta Frequenza) - U soffiu d'Eleanor faci disguasti assai impurtanti par disgrazia cuncirnendu u focu di Sant'Andria di u Cutone, chì crescia d'una manera assai cumplessa è difficiuli i minuti passendu. U marosulu di focu minaccia par avà trè paesi, Cervioni, Santa Maria Poghju è E Valle di Campuloru. Di pettu à a viulenza di u fenomenu, parechji stradi sò tagliati, com'è quilli parmittendu l'accessu à u paesi di Cervioni da a strada dipartimintali 71 è a strada dipartimintali 152, a strada dipartimintali 330 cumunichendu trà Cervioni è Santa Maria Poghju hè sarrata anch'ella. U gradu esattu di i disguasti ùn hè ancu cunnisciutu, ma à u nivellu di a superficia brusgiata è i disguasti matiriali nant'à casi è stazzoni, l'impurtanza di u sinistru hè maiò, ancu s'è par avà ùn c'hè micca disguasti matiriali tremendi arrighjistrati. I più di 200 spinghjifochi mubilizati, corsi ma dinò di u meziornu di a Francia, provani à cuntena à u più un focu accesu in parechji parti, da fà ch'ellu ùn franchessi micca torna di più u settori di E Valle di Campuloru.
Sur le même sujet
