ICHN : le sentiment de Via Campagnola
(A redazzioni d'Alta Frequenza) - L'affari hè statu caldu stamani (marti) davanti a prifittura d'Aiacciu, mentri a visita di i sindicati agriculi A Mossa Paisana è Via Campagnola. L'agricultori erani ghjunti torna à dumandà spiecazioni nant'à i ritardi di pagamenti di l'ICHN (l'indennità cumpensatoria di Handicap Naturali). A sapemi, l'affari dura dipoi parechji simani è l'incumpresioni a più maiò ferma trà l'amministrazioni è u mondu agriculu. U lugiziali mandatu da u ministeru di l'Agricultura cuncirnendu u pagamentu di ss'indennità firmaria impussibuli à leghja, è l'agricultori aspettani sempri par essa pagati. Stamani, ani dumandatu una riunioni cù u prifettu di Corsica, ciò chì hà inghjinnatu calchì muvimentu di ss'ultimi è di i forzi di l'ordini. L'appuntamentu uttenutu ùn avaria micca parmissu di schjariscia a situazioni, ancu s'ella c'hè stata una piccula avanzata arrighjistrata è scritta.
Steti à senta à Anthony Baldovini pà Via Campagnola.
Sur le même sujet
