Hausse de la CSG : les retraités dans la rue ce jeudi
(A redazzioni d'Alta Frequenza) - Chjama nova à a mubilisazioni pà a difesa di i ritirati ssu ghjovi u 28 di sittembri à partasi da 10 ori partendu da a gara d'Aiacciu. L'associ USR-CGT, FSU, FGRFP, FO, ANR, CFE-CGC è UNSA urganizavani ssu marti una cunfarenza di stampa pà fà passà un missaghju naziunali contr'à misuri di u guvernu "chì ani da fà crescia a precarità di i ritirati", sicondu l'urganisazioni. In fatti, d'appressu à elli, a crescita privista di a CSG hà da inghjinnà una calata impurtantissima di i pinsioni, è dunqua una vera rigressioni à u nivellu di u puteri di cumprà, cù dinò attacchi contr'à i sirvizi medicali è suciali. L'urganisazioni lucali dinunziani dinò l'attitudini di a maghjurità tarrituriali, cù rivindicazioni chì ùn sò ancu stati suddisfati oghji, cuncirnendu par asempiu a calata di i prezzi inde i trasporti arrimbata à i rivinuti di i ritirati.
Steti à senta à Alexandre Gonzalez pà l'intersindicali.
Sur le même sujet
