Guy Quilichini, sans-domicile fixe de Bastia, pourra être inhumé lundi
(A ridazzioni d'Alta Frequenza) -D’austu scursu muria Guy Quilichini, un senza tettu di sissant’ottu anni, chì s’era stallatu, chì sò parichji anni, in gara di Bastia. Una morti chì hà cumossu i parsunali lla gara, ma dinò d’altri bastiacci, à u puntu di mova si par dà li intarramentu è sipultura in lu so paesu di Pianottuli. Ben’ch’iddi sichini stati accolti dighjà i solda, a salma di Guy Qulichini hè sempri à a morga llu spidali di Bastia. Di fatti, ci hè un ducumentu ch’ùn hè statu signatu da a prucuratrici lla Ripublica, par via d’affari di prucidura, in ghjiru à l’idintificazioni ufficiali llu difuntu. Issu disturbu amministrativu hà purtatu l’aienti à mubilizà si, vennari, davanti à u palazzu di ghjustizia. Fatta fini ch’issa mubilisazioni hè ghjuvata : u ducumentu sarà signatu prestu, è Guy Quilichini sarà intarratu luni.
Felix Benedetti
