Ghjurnate Internaziunali di Corti ce week-end à quatre mois d'une élection territoriale décisive
(A redazzioni d'Alta Frequenza) - Edizioni nova sabbatu è dumenica in a citadella di Corti di i Ghjurnati Internaziunali. Ciò ch'è no prisintemi di manera cumuna com'è l'evenimentu puliticu maiò di l'istati hà da aduniscia una volta di più dilegazioni internaziunali numarosi par amintà i sfarenti prucedimenti d'emancipazioni nant'à i so tarritorii rispittivi, ma micca solu. A Corsica t'avarà di sicuru una piazza impurtanti duranti sfarenti dibattiti, com'è pà u più impurtanti di a dumenica in fin di dopu meziornu è didicatu à u bilanciu di a maghjurità tarrituriali, più di 18 mesi dopu a so ghjunta à i rispunsabilità di a Cullittività tarrituriali di Corsica. Tuttu què in un cuntestu assai particulari, quattru mesi nanzi à alizzioni novi pà a criazioni di a cullittività unica, mentri chì Femu a Corsica hà dicisu di strutturassi com'è un partitu puliticu veru è chì u Rinnovu si scrivi soca in una dimarchja di rumpitura di pettu à u restu di a famighja naziunalista. Ssu cuntestu s'hà da risenta propiu di sicuru mentri ssi Ghjurnati ?
Steti à senta à Francescu Santoni pà Corsica Libera, chì urganizeghja l'evenimentu.
