Football (National 3) - Le SC Bastia vers une réorganisation
(A ridazzioni d'Alta Frequenza) - Tena contu di i sbagli par ùn fiascà dinò a cuddata – in Naziunali 2 - un altr’annu : hè quissa l’ambizioni di Claude Ferrandi è Pierre-Noël Luiggi, prisidenti è vici prisidenti llu SCB. Ani spiicatu ch’un mancu d’urganisazioni era a causa maiori d’issu fiascu, è ani dittu dinò ch’iddi cuntaiani purtà ci suluzioni.Sarà dinò missa in piazza una nova urganisazioni à liveddu spurtivu. L’addistradori attuali, Stéphane Rossi, ùn ni faria parti. Puri issendu cuntenti llu so travaddu, u coppiu di dirighjenti hà pricisatu chì, in cor’di a squadra, ùn era ancu sceltu u so postu, quandu mai n’avaria sempri unu. Duvaria essa ritoccu l’effettivu, cù ghjucadori avvizzi à i campiunati amatori è ghjucadori isulani. In lu Cunsigliu d’Amministrazioni, da nutà a ghjunta di i « Socios » è d’anziani ghjucadori, chì a so parolla cuntarà. Infini, hè statu pricisatu ch’iddu ci saria, pà un altr’annu, un bughjettu paru à quiddu di quist’annu, di circa 1,7 milliona d’auri. È quissa malgradu a lascita di l’anziana squadra, vali à dì : 600 000 auri di debbiti ch’iddu pudaria dumandà u liquidatori lla sizzioni prufiziunali, è 300 000 auri di debbiti suciali è à i furnidori, in via di rigulamentu.
I spiicazioni lli dirighjenti
