Football (Ligue 2) - Un pack 4 matchs pour soutenir l'AC Ajaccio
(A redazzioni d'Alta Frequenza) - A siconda mità di u campiunatu di Francia di Liga 2 hà da principià da quì à calchì ghjornu. Nant'à u podium cù 34 punti, l'AC Aiacciu pò avè ambizioni novi. Postu chì u mantenimentu hè guasgi assicuratu, u scopu hè di firmà stavolta inde u top 5. Da un'antra banda, u club hà dicisu di prupona à i so sustenidori un pack di 4 partiti à partasi da 35 auri. Ssu pack di 4 scontri cuncerna quilli chì si ghjucarani in Timizzolu contr'à Lorient, Sochaux, Nancy è Lens. Sò privisti tutti à u mesi di farraghju, marzu è aprili. Da rimarcà chì ss'offerta vali fin'è u 9 di farraghju è ùn impidisciarà micca, di sicuru, a vendita di i biglietti i seri di i partiti. Si tratta di un'ufferta cumplementaria. Ssi packs si vendini nant'à a e-bigliettaria di u club è inde a buttega nova ufficiali in u carraghju di u Borgu.
Sur le même sujet
