Football (Ligue 2) - Thibault Campanini a signé deux ans à l'ACA
Dopu à Valentin Jacob è Yacine Bammu, hè tocca à Thibault Campanini di zifrà u so cuntrattu cù l’AC Aiacciu.
Furmatu à l’AC Aiacciu, si n’era mossu dopu à ghjucà cù u Gazelec, fendu cù issa squadra 35 scontri in siconda divisioni è 17 in Naziunali.
Po’ hà ghjucatu, in siconda divisioni, cù u parigi FC.
Infini, a staghjoni passata, era cù a squadra di Naziunali 3 di l’ACA.
Avendu ci fattu un beddu campiunatu, a squadra aiaccina l’hà prupostu un cuntrattu prufiziunali di dui anni.
Thibault Campanini hè difindidori latirali, ma pò ancu ghjucà in l’assu.
Hè statu silizziunatu trè volti cù a squadra di francia di i menu di vint’anni.
À 24 anni, hà da essa pà a prima volta prufiziunali cù a squadra chì u furmò.
