Football (Ligue 2) - Mercato : ça devrait bouger du côté du GFCA et de l'ACA
(A redazzioni d'Alta Frequenza) - L'AC Aiacciu è u GFC Aiacciu approntani d'una manera attiva a siconda mità di a staghjoni di Liga 2. In Mezavia, sicondu certi fonti, com'è u ghjurnali L'Equipe, u ghjovanu attaccanti Fousseyni Diabaté si ni pudaria andà. Parechji clubs di Liga 1 u suvitariani, ma dinò a squadra inglesi di Leicester. U ghjucadori chì avia prulungatu cù u Gazélec fin'è u 2020 di nuvembri scorsu hà ghjucatu 18 partiti è scrittu 3 rialisazioni in Aiacciu. Un trasferimentu chì pudaria essa assai pusitivu pà i finanzi di u GFCA. In Timizzolu, dopu a ghjuna di un anzianu di Monacu Antoine Makoumbou (19 anni), u club prova dipoi oghji u ghjovanu difensori à manca grecu di 22 anni, Giannis Charontakis. Da un'antra banda, si sà chì u club aiaccinu cerca un attaccanti di prima trinca. D'appressu à Yahoo Sports, chì t'hà di regula bon'infurmazioni, un cuntrattu di dui anni hè statu prupostu à l'attaccanti di Quevilly Rouen, Mathieu Duhamel. Cù 8 rialisazioni cù u club nurmandu dipoi u principiu di a staghjoni, hè un valori sicuru di u campiunatu di Liga 2. Pudaria ritruvà à Ghislain Gimber, u so anzianu cumpagnu di Le Havre. Ma ùn c'hè nulla di fattu, postu chì altri clubs si sò avvicinati da u ghjucadori.
