Football (Ligue 2) - Le RC Lens s'offre Moussa Maazou (AC Ajaccio) pour plus d'un million d'euros
(A redazzioni d'Alta Frequenza) - Hè un trasferimentu chì hà surpresu tuttu u mondu ssu ghjovi. L'attaccanti internaziunali di u Niger di l'AC Aiacciu, Moussa Maazou, s'hè ingaghjatu pà trè anni cù u RC Lens. Cù 9 rialisazioni a staghjoni passata (7 in campiunatu è 2 in cuppa), l'anzianu attaccanti aiaccinu ùn sarà più in bianch'è rossu. Ma l'ACA ùn hà micca persu tuttu, postu chì u trasferimentu "trapassa un millioni d'auri" d'appressu à Alanu Orsoni, chì hà cunfirmatu ssa partenza nant'à i reti suciali. À l'arringuerciu, l'anzianu capitanu di u FC Metz Kévin Lejeune sarà aiaccinu. Ssa ghjunta ùn hè ancu stata cunfirmata da u club, ma hè bè scritta nant'à u situ di a LFP chì ufficializeghja i trasferimenti.
Sur le même sujet
