Football (Ligue 2) - Le GFC Ajaccio tenu en échec par Clermont (4-4)
(A redazzioni d'Alta Frequenza) - Torna una partita scema nant'à un tarrenu aiaccinu in cinqui ghjorni. Dopu a disfatta 6-3 di l'AC Aiacciu luni contr'à Lens, u GFC Aiacciu hà cuncessu ssu vennari à sera in Liga 2 u risultatu à parità contr'à a squadra di Clermont, 4-4. Hè Hountondji chì hà scrittu a prima rialisazioni pà u GFCA à a 25esima minuta, nanzi à l'egualisazioni di Caddy à a 31esima. Ottu minuti dopu, l'Aiaccini ani ripresu a suprana grazia à Maah, prima d'allargà u scartu à a 43esima cù una reta di Ducourtioux. Vincendu 3-1 dopu u prima tempu, i ghjucadori di Jean Luc Vannuchi ani incasciatu dui reti novi à a 49esima è à a 56esima di Pereira è Ajorque, prima di passà torna davanti grazia à Kemen à a 72esima. È mentri ch'ellu si pinsava chì i Diavuli Rossi si buscariani i trè punti, Caddy hà fattu vultà i dui furmazioni à paru à l'85esima, parmittendu à a so squadra di strappà un puntu in Mezavia. Dopu à 33 ghjurnati, u GFCA hè 9esimu cù 45 punti.
Steti à senta à Jean Luc Vannuchi, l'intrenori aiaccinu.
Sur le même sujet
