Football (Ligue 2) - La première manche du derby ajaccien remportée par l'AC Ajaccio
(A redazzioni d'Alta Frequenza) - Vittoria di l'AC Aiacciu duranti u derby contr'à u Gazélec, 2-0, grazia à rialisazioni di Sainati in u prima tempu è Laçi à a fini di a partita. In un stadiu François Coty bellu carcu pà un luni à sera, i dui squadri ani luttatu assai à u nivellu fisicu, cù suventi mumenti di ghjocu sciappati da calchì falta impurtanti. Mentri ssa battaglia, sò i Bianch'è Rossi chì ani avutu a suprana, essendu davanti pà una maiò parti di i duelli. Ind'è u Gazélec, dopu un prima tempu micca famosu, i ghjucadori d'Albert Cartier ani missu di più ritimu in principiu di sicondu tempu, cù uccasioni più belli. Ssa vittoria parmetti à l'AC Aiacciu di cunfurtà u so sicondu postu; pà ciò chì tocca u Gazélec, ferma 15esimu di u campiunatu di Liga 2.
