Football (Ligue 2) - L'AC Ajaccio se régale à Sochaux (1-6)
(A redazzioni d'Alta Frequenza) - L'AC Aiacciu hà incantatu i so sustenidori ssu vennari à sera cù una vittoria storica nant'à u tarrenu di Sochaux, 6-1, pà a 9esima ghjurnata di Liga 2. Dopu a sclusioni d'un ghjucadori lucali, a prima rialisazioni aiaccina hè intarvinuta dui minuti dopu, à a 10esima grazia à Gimbert. I cuntinintali ci l'ani fatta à vultà à parità à a 17esima, prima di veda i ghjucadori d'Olivier Pantaloni pighjà torna a suprana à a 24esima minuta dopu à un penalty di Cavalli, mentri chì un antru ghjucadori lucali era sclusu una minuta prima. L'ACA hà allargatu u so successu dopu cù trè reti di Wissa (31esima, 34esima è 74esima) è una rialisazioni di Nouri à a 35esima. Da rimarcà à a fini di u scontru una sclusioni corsa, quilla di Cabit. Cù ssa vittoria larga, l'ACA colla à u sicondu postu di a classifica cù 17 punti.
Steti à senta à Olivier Pantaloni, l'intrenori di i Bianch'è Rossi.
Sur le même sujet
