Football (Ligue 2) - Jean-Luc Vannuchi n'est plus l'entraîneur du GFC Ajaccio
(A redazzioni d'Alta Frequenza) - A nutizia hè stata cunnisciuta ssu vennari in fin di matinata : Jean Luc Vannuchi ùn hè più l'intrenori di u GFC Aiacciu. In fatti, in un cumunicatu assai cortu, u GFCA faci sapè chì "par via di punti di vista sfarenti cuncirnendu l'urientazioni futuri di u club, u Gazélec Aiacciu è u so intrenori M. JL. Vannuchi ani dicisu di compia a so cullaburazioni cù un accordu cumunu". Dopu solu una staghjoni nant'à u bancu di i Diavuli Rossi, Jean Luc Vannuchi, chì t'avia un cuntrattu fin'è ghjunghju di u 2018, si ni và dunqua. I Rossi è Turchini ani compiu a so staghjoni di Liga 2 à i 9esimu postu, un annu dopu essa falati da Liga 1. U GFCA cerca dunqua un intrenori novu pà rimpiazzà l'omu urighjinariu di Carghjese.
Sur le même sujet
