Football (Ligue 2) - Dylan Bahamboula (Dijon) prêté au GFC Ajaccio
(A redazzioni d'Alta Frequenza) - Elementu novu pà u GFC Aiacciu. U mezu di tarrenu è ghjucadori di latu uffensivu Dylan Bahamboula hè impristatu pà 6 mesi da Dijon. À 22 anni, ss'internaziunali cungulesu d'un metri è ottantacinqui hà ghjucatu 15 partiti in Liga 1, 29 in Liga 2 ed hè statu selezziunatu 6 volti cù a so squadra naziunali. Passatu frà altru duranti u so parcorsu di furmazioni da l'INF Clairefontaine è l'AS Monacu, hà principiatu pà daveru a so carriera in u Parighji FC in u 2015, prima d'andà duranti a statina 2016 in Dijon.
