Football (Ligue 2) - Derby sous haute tension sportive entre le SC Bastia et l'AC Ajaccio
In unu stadiu Armand Cesari chì duvaria essa pienu, è pà u contu lla 23esima ghjurnata di u campiunatu lla siconda divisioni, u SC Bastia, sedicesimu è mal’paiatu, ricevi à l’AC Aiacciu, chì hè nuvesimu è chì pudaria essa di i cinqui primi vincindu u scontru di sta sera.
U Sporting si hè missu in ritiru issa sittimana, direttu intantu da Michel Moretti, l’addistradori di a riserva, è da Lilian Laslandes, l’anzianu aghjuntu di Régis Brouard.
L’ultimi risultata, da culandi bè à u valori simbolicu d’un derby, ani missu i bastiacci in una situazioni cumplicata : punti, u Sporting n’hà quant’è i dui primi squadri à falà !
Vali à dì chì, pà i bastiacci, un risultatu altru chè a vittoria faria crescia u dubitu ind’è i ghjucadori. Tom Meynadier hà da essa prisenti, è ancu Gaëtan Charbonnier, ch’ùn hè più suspesu.
Steti à senta à Lilian Laslandes è à Michel Moretti
À senta ni à Olivier Pantaloni, l’addistradori aiaccinu, issu scontru si devi ghjucà com’è una finali. À spissu, a riescita hè stata poca pà l’AC Aiacciu, in i derby.
Tandu, li ci hà da vulè impegnu è diterminazioni, à i Bianchi è Russi.
Pà issu scontru, voltani Touzghar è Campanini, ch’ùn sò più ferti.
À liveddu tatticu, calchì chistiunamentu ci hè : comu avarani da ghjucà Touzghar è Ibayi ? Chì li tuccarà à fà à Sakhi, in mezu tarrenu ? Avarà da scedda Olivier Pantaloni, dui ghjucadori in mezu tarrenu, o avarà da cuntinuvà cù trè ghjucadori à mezu è unu in punta ?
A risposta, si duvaria avè sta sera à u stadiu Armand Cesari.
Steti à senta à Olivier Pantaloni.
Sur le même sujet
