Football (Ligue 1) - Le SC Bastia doit confirmer à Angers
(A redazzioni d'Alta Frequenza) - Pà a vintisettesima ghjurnata di Liga 1, u SC Bastia, diciannovesimu è nanz'ultimu, và nant'à u tarrenu di u tredicesimu, u SCO d'Angers. È pà u Sporting, ci hà da vulè à cunfirmà i cosi assai pusitivi dimustrati contr'à Monacu à u nivellu di l'ingaghjamentu, di a cuesioni è di a cuerenza contr'à una squadra chì t'hà un nivellu più vicinu à u soiu. Oghji, i bastiacci ùn si poni più parmetta di perda un puntu. S'è Saint Maximin è Cahuzac sò di ritornu in u gruppu, Leca hè feritu inveci è devi lacà a so piazza à Vincensini ind'i gabbii. Tuttu què cù un ambienti sempri cumplicatu in internu, postu chì l'intrenori bastiacciu, François Ciccolini, t'hà certi intarrugazioni dopu à ciò ch'ellu hà pussutu leghja in a stampa naziunali cuncirnendu a ghjunta fiascata d'un attaccanti duranti u marcatu d'inguernu.
Steti à senta à François Ciccolini.
Sur le même sujet
