Football (Ligue 1) - Djibril Cissé veut aider le Sporting à franchir un palier
(A redazzioni d'Alta Frequenza) - U marcatu d'inguernu hà cuminciatu pà tutti i clubs di Lega 1 è di Lega 2, è u SC Bastia l'hà apartu di una bella manera. Com'è a diciami a settimana scorsa, ssu ghjucadori dimostra u puteri d'attrattività ritrovu da u Sporting, postu chì si tratta di l'attaccanti internaziunli francesi Djibril Cissé, 32 anni, chì hà firmatu un cuntrattu di diciottu mesi cù u SC Bastia, l'ultimi ditagli di a so partenza da u Kuban Krasnodar in Russia essendu stati arrigulati ssu luni. Cissé t'hà a voglia di ritruvà a Lega 1 è hà sceltu u Sporting par via di i so elementi uffensivi impurtanti, ma dinò è soprattuttu pà pruvà à rializà bellissimi provi è andà à buscà si un postu miraculosu à mezu à i vintitrè ghjucadori ritinuti cù a squadra di Francia pà a Cuppa di u Mondu di u 2014 à u Brasiliu. Djibril Cissé, furmatu da Guy Roux in Auxerre t'hà una carriera assai ricca cù 41 selezzioni è 9 rialisazioni cù a squadra di Francia, una Lega di Campioni vinta cù Liverpool, è passaghji in Marseghja, à u Panathinaikos è à a Lazio Roma par asempiu. Calcosa chì ùn l'impidisci micca d'avè a voglia d'aiutà u Sporting à riescia u scopu di u top 10 in campiunatu quist'annu.
Steti à senta à Djibril Cissé, chì ghjucarà ssa dumenica in cuppa di Francia contr'à Evian Thonon Gaillard.
Sur le même sujet
