Football - La Squadra Corsa à l'épreuve du Nigéria le 26 mai prochain à Timizzolu
(A redazzioni d'Alta Frequenza) - A Squadra corsa hè di ritornu. In fatti, una partita di ballò chì hà da uppona a selezzioni corsa à u Nigeria si ghjucarà u 26 di maghju in u stadiu François Coty in Aiacciu, à partasi da 8 ori di sera. Sarà l'uccasioni pà u publicu di ritruvà i ghjucadori chì cumponini ssa squadra chì sarà purtata torna da Jean Michel Cavalli. Ci arricurdemi chì annu, in Mezavia, a squadra corsa avia ghjucatu contr'à u Paesi Bascu, ma dinò contr'à selezzioni naziunali com'è u Burkina Faso è a Bulgaria tempi fà. Stavolta, l'isulani scuntrarani una selezzioni di prima trinca di u cuntinenti africanu postu chì u Nigeria t'hà in u so effettivu ghjucadori putenti com'è Kelechi Ieanacho (chì ghjoca in Manchester City, o ancu Victor Moses di Chelsea. Pà i Super Eagles, si trattarà d'essa serii pà ssa partita postu ch'elli approntani u principiu di a so campagna qualificativa pà a Cuppa d'Africa di i Nazioni 2019. Triplici campionu d'Africa, 8esimu di finalistu di u Mundiali 2014 eliminatu 2-0 da a Francia, u Nigeria sarà dunqua un avversariu maiò pà a squadra corsa.
Steti à senta à Dédé Di Scala, pà a Corsica Football Association, chì urganizeghja l'evenimentu.
