Football - La reprise du SC Bastia entérinée aujourd'hui, un entraîneur probablement trouvé
(A redazzioni d'Alta Frequenza) - Ssu ghjovi, a ripresa di l’associu SC Bastia da Pierre Noël Luiggi è Claude Ferrandi sarà rialtà, postu chì un’assemblea generali strasurdinaria hè privista pà validà di manera difinitiva u cambiamentu di direzzioni, chì si farà cù un sustegnu di a Cullittività Tarrituriali di Corsica chì devi essa pricisatu. U duettu chì si movi dighjà pà a ricustruzzioni spurtiva di u club dopu u rinviu di i dui primi ghjurnati di Naziunali 3 accittatu da a Federazioni Francesi di Ballò, una ricustruzzioni chì pudaria avè bè trovu u so intrenori. In fatti, ci sò cuntatti assai serii è avanzati cù Stéphane Rossi, l’anzianu intrenori emblematicu di l’anzianu CA Bastia, avvezzu à più pudè à i campiunati amatori è chì hà purtatu in deci anni u CA Bastia da l’anziana CFA 2 fin’è a Liga 2. Un prufilu chì andaria bè cù u prughjettu à longu andà purtatu da i dui pruprietari novi.
Sur le même sujet
