Football (coupe de France) - L'ACA éliminé par Orléans à Timizzolu (1-2)
In ghjocu à ballò, l’AC Aiacciu hà persu pà a prima volta in casa soia quist’annu contru à Orléans, chì ghjoca in Naziunali. Colti dopu à cinqui minuti di ghjocu da un calciu di riparu cuncessu da Quilichini è marcatu da Fortuné, l’aiaccini sò stati troppu senza riagì.
L’arbitru issendu si sminticatu dui calci di riparu à prò di l’ACA, i dui squadri sò ghjunti à u posu cù un marcu à favori d’Orléans.
À tempu ripresu u scontru, è cù a intruta prugrissiva di i quadri lla squadra chì faciani da rimpiazzanti, l’ACA circaia à metta a prissioni, è un marcu l’hè ancu statu ricusatu, parvia d’una pusizioni supposta di for’di ghjocu.
À a 65esima minuta, Fortuné mittia u so sicondu marcu via un calciu di pinalità.
L’aiaccini s’avvicinaiani à 2 à 1, via un calciu di pinalità di Marchetti. Ma l’affari era troppu tricatu à vena. Parvia d’una prima parti debbuli in u ghjocu è di calchì dicisioni arbitrali cuntraria, l’AC Aiacciu esci d’issa cuppa di francià chì, à veru, ùn hè cumpitizioni chì li riesci !
