Fichage FIJAIT : les dossiers Félix Benedetti et Stéphane Tomasini mis en délibéré au 13 décembre
(A redazzioni d'Alta Frequenza) - Ssu marcuri in Bastia, sottu à u sguardu di parechji sustegni, c'era davanti u tribunali currizziunali di Bastia u prucessu di Félix Benedetti è Stéphane Tomasini, ghjudicati tramindui par ùn avè micca rispittatu i so ubligazioni liati à u FIJAIT, cartulari pulemicu chì cuncerna i parsoni chì sò stati cundannati inde affari di tarrurisimu. Ch'ella sighi pà u prima cà pà u sicondu affari, u ministeru publicu hà dumandatu 500 auri d'amenda contr'à i privenuti, a sintenza, ella, sarà cunnisciuta u 13 di dicembri. Dumandi chì dimostrani d'appressu à ogni avucatu chì a ghjustizia ni faci un affari di principiu. È s'è a linea di difesa di maestru Eric Barbolosi, avucatu di Stéphane Tomasini, era appena diffarenti di pettu à quilla di maestru Benjamin Genuini pà Félix Benedetti, maestru Eric Barbolosi dinunziendu l'assenza di casa fissa di u so clienti, l'essenziali era spartutu, vali à dì una sinsazioni di cunfusioni trà ssi cartulari, è quilli di i tarruristi islamisti.
Steti à senta à Eric Barbolosi, l'avucatu di Stéphane Tomasini.
Sur le même sujet
