Fichage FIJAIT : la réaction de l'avocat de Félix Benedetti
(A redazzioni d'Alta Frequenza) - Ssu marcuri in Bastia, sottu à u sguardu di parechji sustegni, c'era davanti u tribunali currizziunali di Bastia u prucessu di Félix Benedetti è Stéphane Tomasini, ghjudicati tramindui par ùn avè micca rispittatu i so ubligazioni liati à u FIJAIT, cartulari pulemicu chì cuncerna i parsoni chì sò stati cundannati inde affari di tarrurisimu. Ch'ella sighi pà u prima cà pà u sicondu affari, u ministeru publicu hà dumandatu 500 auri d'amenda contr'à i privenuti, a sintenza, ella, sarà cunnisciuta u 13 di dicembri. Dumandi chì dimostrani d'appressu à ogni avucatu chì a ghjustizia ni faci un affari di principiu. Pà ciò chì tocca à maestru Benjamin Genuini, l'avucatu di Félix Benedetti, s'incalca torna nant'à u fattu chì ssa legi è ssu cartulari sò stati fatti sopra misura pà u tarrurisimu islamistu, è chì i pricuri di Bastia com'è quilla d'Aiacciu facini oramai a scelta di cuntinuà a so opara contr'à quilli chì ùn rispettani micca l'ubligazioni di u FIJAIT, ciò chì ùn era micca u casu prima.
Steti à senta à Benjamin Genuini.
Sur le même sujet
