Festa di a Lingua, plan Lingua 2020 : la CTC accélère sur la langue
(A redazzioni d'Alta Frequenza) - Ssu vennari, Saveriu Luciani, cunsighjeru Esecutivu in carica di u cartulari di a lingua corsa hà prisintatu u prugramma di a Festa di a Lingua Corsa, chì sarà urganizata di maghju è di ghjunghju è chì duvaria andà ancu aldilà. Cù un bughjettu di 250 000 auri, a manifistazioni mittarà in valori più di 120 animazioni pà prumova a lingua corsa è u so adopru. Un evenimentu chì hà parmissu di vultà nant'à una pulitica di a lingua corsa chì a Cullittività Tarrituriali voli assai attiva. Aspittendu di veda a situazioni arrigulata cù Parighji nant'à a cuufficialità, a CTC a voli impiantà di fattu. Mentri chì inde l'agenzi è uffizi, quissa quì cumencia à generalizassi, sforzi cuncirnendu l'educazioni è a prumuzioni di a lingua corsa ani da essa fatti assai in furia. Dinò, u 9 di maghju, un appuntamentu impurtantissimu aspetta u presidenti di l'Esecutivu, u presidenti di l'Assemblea, u cunsighjeru esecutivu in carica di a lingua corsa è i presidenti di i gruppi di l'Assemblea di Corsica, postu ch'elli sarani ricivuti in Parighji da a ministra di l'Educazioni, Najat Vallaud Belkacem.
Steti à senta à Saveriu Luciani nant'à ssi sughjetti.
Sur le même sujet
