Elus corses chez Jean-Michel Baylet : tout tremble mais rien ne bouge
(A redazzioni d'Alta Frequenza) - Dopu à l'infrasata "ùn c'hè micca u contu", aduprata parechji volti in ssu gennaru d'uccasioni, ci piaci piuttostu à dì "tuttu trema, ma ùn c'hè nulla chì movi". Inchietudini è scuntintezza : hè cusì ch'è no pudariami riassuma l'ambienti prisenti dopu a visita di a dilegazioni corsa in u ministeru di l'Accunciamentu di u Tarritoriu. In fatti, fora di un puntu piuttostu pusitivu annunziatu da Jean Michel Baylet, u fattu ch'ellu sighi statu accertatu torna u calendariu difinitu pà a missa in opara di a cullittività unica, vali à dì à u 1a di ghjinnaghju di u 2018, pari ch'è no ùn fussimi mancu appena in una logica di custruzzioni cumuna di un prughjettu pà a Corsica. Hè u parè di Gilles Simeoni, chì hà custatatu dopu à ss'intrattenu un fossu maiò trà i dumandi di l'eletti di a Corsica è i pruposti di u ministru.
Eccu l'intervista di u presidenti di l'Esecutivu di Corsica.
Sur le même sujet
