Edouard Philippe et la Corse : la méfiance de Jean-Félix Acquaviva
(A redazzioni d'Alta Frequenza) - Mettasi à u nivellu chì ci voli ! Eccu ciò ch'ellu dumanda Ghjuvan Filici Acquaviva, diputatu di a siconda circuscrizzioni di Corsica Suprana, dopu u discorsu di pulitica generali di u Prima ministru. Ramintemi in fatti chì Edouard Philippe hà amintatu in furia a Corsica, di manera più particulari un "votu identitariu", in rifarenza à l'alizzioni di trè diputati naziunalisti duranti l'ultimi legislativi. "Si pò essa senza cuncissioni nant'à i principi republicani, senza essa malgradu tuttu in a gnuranza di i diversità è di l'aspirazioni à a ricunniscenza", hà dittu u Prima ministru. Ghjuvan Filici Acquaviva dinunzia una mancanza di sviluppu in u discorsu d'Edouard Philippe cuncirnendu a Corsica. "L'isula hà suffertu troppu suventi di riformi di bassu nivellu", hà incalcatu u diputatu Pè a Corsica ed hè ora oghji di chjarificà u metudu pà pudè ghjunghja à avanzati veri à u nivellu rigulamentariu, ecunomicu, legislativu, fiscali, linguisticu, senza scurdassi di a risuluzioni di u prublema di i prighjuneri pulitichi.
Steti à senta à Ghjuvan Filici Acquaviva.
Sur le même sujet
