Distribution de la presse en Corse : le STC défend le distributeur insulaire face aux centrales nationales
Marti, u STC hà fattu una cunfarenza di stampa, in sustegnu à a sucità « Kallisté Distribution Services ».
Issa sucità hè quidda chì distribuighja a stampa naziunali in Corsica dipoi u 2020 è u bancarottu di Presstalis.
U pinseri, hè chì i MLP è france Messagerie, i dui cintrali chì furniscini i ghjurnala, ùn piddani in carica chè u trasportu via avviò o battellu, è KDS hè tandu ublicata à piddà in carica u costu lla distribuzioni par tutta a Corsica.
Altru pinseri - è di quiddi ! - Kds devi suppurtà a carica lla riciculera di a carta, fatta in l’isula : l’accordu naziunali trà i dui cintrali è a sucità Paprec ùn viaghja in Corsica.
Issi dui carichi sò un piriculu pà a saluta finanziaria di a impresa : dighjà, pà issa statina, ùn hà pussutu dà impiechi di statinanti. U STC dumanda dunqua ch’iddi sichini presi in contu da i dui cintrali, issi spesi.
Par casu ch’iddi ùn avanzini in furia i cosi, u STC minaccia di bluccà, in i sittimani à vena, a distribuzioni lla stampa naziunali in Corsica.
Steti à senta à Jean Brignole.
