Discours gouvernemental sur la Corse : l'analyse sans concession d'Edmond Simeoni
(A redazzioni d'Alta Frequenza) - Ùn hè micca un dogmu republicanu, ma piuttostu un dogmu di una realtà chì si scorda chì u mondu cambia ! Eccu l’analisi d’Edmond Simeoni, calchì ghjornu dopu à u discorsu di u presidenti di a Republica davanti à u Cungressu, ma soprattuttu dopu à u discorsu di pulitica generali di u Prima ministru. Ramintemi in fatti chì Edouard Philippe hà amintatu in furia a Corsica, di manera più particulari un "votu identitariu", in rifarenza à l'alizzioni di trè diputati naziunalisti duranti l'ultimi legislativi. "Si pò essa senza cuncissioni nant'à i principi republicani, senza essa malgradu tuttu in a gnuranza di i diversità è di l'aspirazioni à a ricunniscenza", hà dittu u Prima ministru. Pà Edmond Simeoni, u Statu rifusa torna è sempri di pighjà in contu a dimensioni pulitica di u prublema corsu, ma dinò a missa in ballu d’una vera riforma ambiziosa à prò di l’isula è di u so populu.
Steti à senta à Edmond Simeoni.
Sur le même sujet
