Développement des entreprises innovantes : Inizià et Corsica Innova, même combat
(A redazzioni d'Alta Frequenza) - Calchì ghjornu fà hè statu prisintatu in Aiacciu da ACG Management, spicialistu di l'investimentu inde l'intrapresi chjuchi è mezani francesi, Corsica Innova. Ramintemi chì si tratta di a prima chjama à prughjetti di i so Fondi d'Investimenti di Vicinanza corsi pà u sviluppu di i ghjovani intrapresi innuvanti in i settori cù crescita forti. Un'iniziativa chì devi parmetta d'identificà i prughjetti chì prumettini, è pà quilli chì avarani cunvintu u più di rializà un investimentu in capitali chì pudarà andà fin'è 500 000 auri. Una dimarchja inedita in Corsica pà sguassà i difficultà ch'elli t'ani i ghjovani intrapresi corsi pà racoglia soldi. Inizià, l'incubatori d'intrapresi, hà raghjuntu in furia u cuncettu Corsica Innova, parchì sparti u listessu scopu, quillu d'aiutà intraprenadori in cerca di mudernità è d'innuvazioni, da fà ch'elli t'avissini di più faciulità à lancià a so iniziativa.
Steti à senta à Emmanuel Pierre, u direttori d'Inizià.
