Des élus de l'opposition bastiaise demande un écran pour la finale de la coupe du monde
(A ridazzioni d'Alta Frequenza) - Un screnu maiori in Piazza San’Niculà o in Piazza à u Marcatu, in Bastia, pà a finali lla Cuppa llu Mondu ? Eccu l’idea (è a dumanda) di Jean Zuccarelli, chì si hè fattu senta via Facebook à issu sughjettu. Hà scrittu : « In u 2015, a mirria avia intesu a noscia chjama, pà a finali lla cuppa lla liga di u Sporting. Spiremu ch’idda sarà listessi pà a finali lla Cuppa llu Mondu », « è ch’idda svintularà dinò à bandera francesa in l’anziana mirria ». Iss’idea, a sparti l’elettu municipali è vici prisidenti lla CAB Julien Morganti, chì pensa chì « quant’è tant’altri cità... saria intarissanti di stallà in Bastia un screnu maiori, chì l’aienti poscani, insemi, sustena a so squadra, sparta è fistighjà pà issu mumentu impurtanti llu sport ». Sarani intesi issi chjami ? U fattu si stà ch’idd’hè posta a quistioni...
