Dernière rentrée du Tribunal des Prud’hommes de Corse-du-Sud pour Gilles Trovato
(A redazzioni d'Alta Frequenza) - Riintrata di u Tribunali di u Travaghju di Corsica Suttana appena particulari ssu marcuri. In fatti, dopu à 24 anni d'impegnu, u presidenti Gilles Trovato campa i so ultimi mesi à ssu postu ch'ellu avarà spartutu ss'ultimi anni tutti i dui anni cù Jean Toussaint Poli. Cuncirnendu i sciffri pà l'annu scorsu, cù un nivellu di cuverta di 107%, calani l'accumpuleri di l'affari cù una vintina di cartulari in menu. U tempu pà trattà l'affari sminuisci dinò, par essa oramai di 12,9 mesi (14 s'è no mittimu da cantu i riferiti) è infiriori à a media naziunali. Ancu s'è a cunciliazioni hè di menu in menu prisenti trà i patroni è i so impiegati, a situazioni hè ammaistrata abbastanza bè. Una ghjuridizzioni chì hà da cunnoscia frà altru un cambiamentu maiò da quì à pocu : i cunsighjeri prudumali ùn sarani più eletti, ma scelti da l'urganisazioni sindicali è patrunali raprisintativi di pettu à a so audienza rispittiva. Picculu ritornu in u passatu, ma cù quantunqua u sguardu ghjiratu ver di l'avvena pà quilli chì pighjarani a seguita pà Gilles Trovato.
Eccu l'intervista di u presidenti di u Tribunali di u Travaghju di Corsica Suttana.
Sur le même sujet
