Députés nationalistes à l'Assemblée nationale : la constitution d'un groupe en bonne voie
(A redazzioni d'Alta Frequenza) - Mentri chì i quattru diputati di a Corsica farani a so riintrata ssu marti à 3 ori à l'Assemblea naziunali, u diputatu di u sicondu circondu di Corsica Suprana, Ghjuvan Filici Acquavia era invitatu stamani ind'è Jean Jacques Bourdin nant'à RMC. Ghjuvan Filici Acquaviva hà annunziatu chì cuncirnendu a criazioni di un gruppu autonomu, i discussioni sò ricchi è chì un puntu d'equilibriu pudaria essa trova da quì à calchì ora. Ci pudariani essa nentru à ssu gruppu à fiancu à i diputati naziunalisti Jean Lassalle, diputati pulinesiani, martinichesi è guadaluppeanu, u merri PS di Sarcelles François Pupponi è altri parlementarii di manca com'è certi radicali. Un gruppu pà metta in avanti a rilazioni di a Republica di pettu à i tarritorii è à i populi chì a cumponini. Ni pudariami sapè di più da quì à calchì ora dunqua, frà altru à l'uccasioni d'una cunfarenza di stampa in fin di matinata in Parighji.
