Déchets : la CTC tente de trouver des solutions au moins à moyen terme
(A redazzioni d'Alta Frequenza) - Prublematica di i rumenzuli in Corsica : si senti, à l'alba di a statina, crescia a tinsioni di pettu à u fattu chì ssu prublema ùn fussi ancu arrigulatu. Ani da ghjunghja i turisti è ci vularà à trattà i nostri rumenzuli di sicuru, ma à integrà dinò ind'u vulumu finali u soprapiù inghjinnatu da a fraquintazioni turistica. Si sà chì a CAPA hà dighjà privistu una suluzioni palliativa à u trattamentu difinitivu di i rumenzuli. In fatti, ed hè u SYVADEC chì n'hè statu incaricatu, i rumenzuli racolti nant'à u tarritoriu di a CAPA sarani missi in balli è allucati nant'à u situ di l'anzianu ruminzulaghju di Sant'Antonu. Cosa ani da divintà ssi rumenzuli dopu ? Hè à ssu nivellu quì chì l'affari sò in francesi, parchì cunniscimu bè i pusizioni ripituti à più pudè da i quattru siti d'intarru di i rumenzuli di l'isula. C'era ssu marcuri à l'Assemblea di Corsica una seenza sarrata à u publicu, pà u pruvà à truvà suluzioni podassi micca à cortu andà, ma à mezu andà à u minimu, com'ella a ci dici Agnès Simonpietri, a presidenti di l'Uffiziu di l'Ambienti di a Corsica.
Steti à senta à Agnès Simonpietri.
Sur le même sujet
