Débat sur l'emploi local : le STC y a participé activement
(A redazzioni d'Alta Frequenza) - Suciali sempri ssu ghjovi, ma nant'à un rigistru altru : a cartula à prò di l'impiegu lucali. Ssu sughjettu chì punia un prublema in Corsica dipoi trent'anni fà à u minimu, era in discussioni l'altru ghjornu à l'Assemblea di Corsica. Ghjuvan Guidu Talamoni avia invitatu a raprisintazioni di u mondu suciali è ecunomicu di Corsica pà dibatta di un sughjettu propiu difficiuli, ciò ch'elli sò numarosi à chjamà a cursisazioni di l'impieghi. L'impiegu lucali hè una suluzioni pà cambià una situazioni ecunomica isulana qualificata da tutti com'è assai cumplicata ? I sindicati di travaghjadori erani prisenti è si sò vulsuti spiegà duranti un tempu longu nant'à ssu prublema.
Steti à senta à Ghjuvanni Brignole pà u STC.
