Corsisation des emplois : l'avis de Dominique Bucchini
(A redazzioni d'Alta Frequenza) - Suciali sempri ssu ghjovi, ma nant'à un rigistru altru : a cartula à prò di l'impiegu lucali. Ssu sughjettu chì punia un prublema in Corsica dipoi trent'anni fà à u minimu, era in discussioni l'altru ghjornu à l'Assemblea di Corsica. Ghjuvan Guidu Talamoni avia invitatu a raprisintazioni di u mondu suciali è ecunomicu di Corsica pà dibatta di un sughjettu propiu difficiuli, ciò ch'elli sò numarosi à chjamà a cursisazioni di l'impieghi. S'è a raprisintazioni di u mondu suciali è ecunomicu era impurtanti, sindicati di travaghjadori o patroni par asempiu, quilla raprisintendu i puliticanti corsi era piuttostu magra. Parechji gruppi pulitichi di l'Assemblea di Corsica in fatti ùn erani mancu raprisintati, ciò chì ùn hà micca impiditu à Dominique Bucchini di ghjunghja pà difenda i so ideii nant'à a quistioni.
U stemi à senta.
Sur le même sujet
