Corse : le premier ministre Edouard Philippe joue la carte de la temporisation en questions au gouvernement
(A redazzioni d'Alta Frequenza) - Nanzi una dumanda à u guvernu chì duvaria essa di più uffensiva privista dumani pà u diputatu Pè a Corsica Ghjuvan Filici Acquaviva, u cartulari corsu hè statu amintatu ssu marti micca inde una ma dui dumandi à u guvernu in seenza publica. Mentri chì a siconda intarrugazioni hè stata posta da u diputatu di Corsica Suttana Jean Jacques Ferrara pà una risposta di a nova Madama Corsica di u guvernu, a ministra di l'Internu bis Jacqueline Gourault, a prima hè stata posta da u diputatu La République en Marche Bruno Questel, pà una risposta di u prima ministru, Edouard Philippe. È si pò dì chì u guvernu hà sceltu a strategia di a tempurisazioni. In fatti, u prima ministru hà dittu torna una volta ch'ellu ricivaria à Gilles Simeoni dopu a stallazioni di a nova Cullittività di Corsica è di u so esecutivu, pà discussioni ch'ellu voli "republicani, naturali è nurmali", è chì d'appressu à ellu, a Cullittività di Corsica duvarà spluttà prima i so pussibilità attuali nanzi di dumandà mudificazioni novi.
Eccu a dumanda di Bruno Questel è a risposta d'Edouard Philippe.
