Continuité territoriale dans le transport maritime : mise au point de l'Exécutif de Corse
(A redazzioni d'Alta Frequenza) - Trasparenza nant'à a cuntinuità tarrituriali in u trasportu marittimu : vultendu nant'à i parquisizioni di u 10 d'uttrovi diretti da a pricura naziunali finanziaria, u gruppu Front National à l'Assemblea di Corsica vulia sapè s'è a maghjurità pinsava à crià una cumissioni d'inchiesta pà pudè schjariscia i cosi nant'à ssu prublema. Ùn c'hè bisognu à crià un attrazzu novu, hà dittu a presidenti di l'Uffiziu di i Trasporti di a Corsica. Ci sò cumissioni chì asistini dighjà in ssu sensu. In più di què, tuttu hè statu quadratu com'ellu ci vulia. Cuncirnendu u ritornu di i battelli à a Cullittività Tarrituriali di Corsica, i neguziati cuntinueghjani. A cunsighjera esecutiva rigretta dinò a manera di com'ellu hè statu scrittu l'articulu 40, liatu ghjustu appuntu à ssu ritornu, à l'epica di a mandatura scorsa.
I spiecazioni è i pricisioni di Vanina Borromei, a presidenti di l'UTC.
Sur le même sujet
