Constitution et proposition d'article spécifique votée à l'Assemblée de Corse : explications de Jean-Charles Orsucci
(A redazzioni d'Alta Frequenza) - 48 voti nant'à 63 ! Eccu u risultatu di u votu intarvinutu ssu ghjovi appena nanzi à mezanotti inghjiru à u prughjettu d'articulu specificu à a Corsica da inseriscia inde a Custituzioni. I gruppi Femu a Corsica, Corsica Libera, ma dinò Andà per Dumane di Jean Charles Orsucci ani vutatu à prò, com'è Petru Ghionga, chì ùn hà micca suvitatu u gruppu di Valérie Bozzi. Ss'ultimu gruppu, La Corse dans la République, hà vutatu, senza surpresa, contru, com'è l'altra furmazioni di diritta, Per l'Avvene, purtata da Jean Martin Mondoloni. Una pruposta d'articulu di l'Esecutivu di Corsica è di a maghjurità tarrituriali cù, bè prisenti, a nuzioni d'autunumia è a dumanda d'abilitazioni pirmanenti inde parechji duminii, cù quantunqua dui uzzioni inde dui sizzioni di a so redazzioni, una di a maghjurità tarrituriali è l'altra d'Andà per Dumane. U gruppu di Jean Charles Orsucci, cù l'inserzioni inde u prughjettu d'articulu d'uzzioni pricisendu a numerutazioni 72-5 è fissendu u quadru di cumpitenzi ristretti pà a Cullittività di Corsica, hè dunqua andatu inde u sensu di u testu di u presidenti di l'Esecutivu. S'è u cunsighjeru tarrituriali rigretta chì l'accunsentu ùn sighi statu più impurtanti, spera chì st'accunsentu quì pudarà nascia trà a Corsica è Parighji.
Steti à senta à Jean Charles Orsucci.
Sur le même sujet
