Conseil municipal de Bastia : polémique sur un dossier de primo-accession à la propriété : la réaction de Pierre Savelli Maire de Bastia
(A ridazzioni d'Alta Frequenza) - U primu accessu à a prupiità hà fattu pulemica, mentri l’ultimu cunsigliu municipali di Bastia. Diffati, 19 alloghji sarani tinuti in priurità in un prughjettu immubiliari di a SCCV Miramare, in u quartieri di u Machjò, da essa vinduti à prezza mudarati, ch’iddi poschini acquistà issi bè quiddi chì sò in primu accessu di prupiità. Cinqui alloghja sarani vinduti cù 35 % di menu chè u prezzu mediu di 3061€ à metru quadratu, è 14 altri cù una calata di 10 %. Un cartulari chì, par François Tatti è u MCD, chì ùn l’ani vutatu, hè pocu chjaru. Dinunciani cusì una certa bughjura, à senta li, di a maiurità municipali. Spieca François Tatti chì a cunvinzioni ùn dici di manera chjara sè iss’appartamenta chivi avarani u stessu liveddu chè quiddi vinduti di manera più classica. U merri di Bastia, Pierre Savelli, a si scherza cù l’intarventu di François Tatti, chì par iddu hè tinuta è bè l’uparazioni. Ricusa l’idea sola d’un rigalu fattu à u prumutori
Pierre Savelli
Sur le même sujet
