Conférence en langue corse sur l'Ochju ce vendredi soir à Baleone
(A redazzioni d'Alta Frequenza) - "L'Ochju : cridenza è pratica ingiru à l’incantesimu!" Eccu u titulu di a terza cunfarenza in lingua corsa gratisi urganizata ssu vennari à sera à 7 ori è mezu da l'urganisimu di furmazioni Aflokkat in Sarrula Carcupinu, locu dittu Effrico. Una cunfarenza diretta da Dumenica Colonna, insignanti in lingua è cultura corsa in u liceu di Sartè è chì hà cuntribuitu à a ridazzioni di parechji libri. Aldilà di a dimarchja propiu scentifica, si tratta di prumova dinò a pratica di a lingua corsa è di passà di sicuru una stonda di cunvivialità è d'arricchimentu.
Steti à senta à Dumenica Colonna.
