Co-officialité : Parlemu Corsu lance un message au gouvernement Macron-Philippe
(A redazzioni d'Alta Frequenza) - In fin di simana scorsa, u cullittivu Parlemu Corsu, chì hà fistighjatu pocu fà i so 10 anni d'esistenza, tinia a so assemblea generali in Aiacciu. L'uccasioni di rinnuvà u so cunsighju d'amministrazioni, di fà u puntu nant'à l'azzioni passati è i prughjetti à vena, ma dinò è soprattuttu di lancià un missaghju à u guvernu novu. U Presidenti di a Republica Emmanuel Macron, chì ùn pianta di metta in avanti a parolla "prammatisimu" cuncirnendu l'urientazioni generali di a pulitica ch'ellu voli metta in ballu pà a Francia, duvaria essa ghjustu appuntu prammaticu accittendu a rivindicazioni di a cuufficialità trà u corsu è u francesi, incalca Parlemu Corsu. Un cullittivu chì conta dinò nant'à a prisenza di i trè diputati naziunalisti à u Palazzu Bourbon pà sustena torna di più ssa rivindicazioni.
Steti à senta à Micheli Leccia, u presidenti di Parlemu Corsu.
Sur le même sujet
