Calamité sécheresse : FDSEA et JA répondent à Mossa Paisana
(A redazzioni d'Alta Frequenza) - A FDSEA è i Ghjovani Agricultori di Corsica Suttana rispondini à Mossa Paisana, è dicini ch’elli sò propiu stupiti da a dichjarazioni di ss’ultima nant’à u cartulari di a sicchia. Vultendu nant’à a cumunicazioni di pocu fà d’A Mossa Paisana, FDSEA è JA ricusani u tarmini pulitichella, di quali elli sò accusati, è priciseghjani chì pà contu soiu sò « à u travaghju è mancu appena ghjirati ver di picculi ghjochi di manipulazioni è di calunnia ». Nant’à u cartulari stessu di a calamità sicchia, quì dinò a visioni hè sfarenti cù pà i dui urganisazioni JA è FDSEA un travaghju rializatu in un prima tempu cù u scopu di metta in ballu un fondu specificu pluriannuali didicatu à i danni climatichi, è un pianu eccezziunali di strutturazioni di i spluttazioni pà ciò chì tocca l’irrigazioni. Pisti, è più particularmenti quilla di u fondu specificu, chì avariani ricivutu un’accolta favurevuli da a parti di u cabinetu di u Prima ministru (duranti a so ultima visita in Corsica). Travaghju è cuncertazioni luntanu da i pulemichi è i lizziò à riceva, eccu u sensu di a risposta vulsuta da i JA è a FDSEA 2A.
Spiecazioni di Jean Christophe Arrii, u presidenti di i JA2A.
Sur le même sujet
