C’est aujourd’hui la journée mondiale du diabète
Oghji hè a ghjurnata mundiali di u diabetu, u mali zuccarosu.
Dipoi a so criazioni in u 1991, issa ghjurnata hè simbulu d’una mubilisazioni cullittiva. U so ughjittivu hè di fà cunnoscia issu mali, a so presa in carica è i meza di parà si ni.
Issa mubilisazioni, issa sinsibilisazioni munidali hè ricunnisciuta ufficialmenti da i Nazioni Uniti, diretta da a Federazioni Internaziunali di u Diabetu, è purtata da tutti l’associ naziunali in tanti i paesi : a Federazioni Francesa di i Diabetichi hè di quissi.
À senta ni a Federazioni Internaziunali, in u 2019, 463 miliona di parsoni erani tocchi da a malatia.
In Corsica, i malati è i so famiddi sò accumpagnati da l’Associu di i Diabetichi di Corsica, chì hà urganizatu una ghjurnata à porti aparti, cù attelli è animazioni, sabbatu passatu in Purtichju.
Sur le même sujet
